店主 | 霍宇佳
始創 | 1985
電話 | 2462 3191
地址 | 屯門大興邨商場2樓28室
文字 | 陳祖薏
圖片 | 黃偉傑
大興土木下一道光景
眼鏡先生的招牌和宣傳標貼，當年由店主霍宇佳親手製作，原來是無心插柳。
1985 年大興邨商場招租，他看準周邊沒有眼鏡店的潛在優勢，承租創業。裝修師傅為他設計了一款黑底金字並灑上金粉的書法字體招牌，殊不知捉錯用神，「我睇到嚇一大跳，惟有到文具店買啲3M膠紙，自製招牌『頂住先』。」怎料一頂便是幾十年。
現今明亮如昔的店，陳列各樣款式眼鏡框，霍宇佳指眼鏡潮流十多年一個循環，惟獨「黑色、粗邊、膠框」歷久不衰。店鋪有售鼻托及耳柄，替舊眼鏡更換改裝，比買一副新的省錢得多。他坦言：「我哋唔係唔需要餬口，但小店有樣嘢好，就係用心對客，幫到手就幫！」眼鏡先生在大興邨快將度過三十二個寒暑，從前配眼鏡的小夥子也長大成人，他笑道：「以前街坊係配眼鏡順道傾偈，而家係傾偈順便配眼鏡。」
