李洪森

屯門區議會副主席

河東河西一橋通

2016 年新任屯門區議會副主席李洪森,是區內老街坊。1982 年,三十二歲的他攜同妻小入住安定邨。當時交通、社區配套未及發展,「出九龍要預算兩個鐘頭塞車;返屋企,要由巴士總站步行十五分鐘。好似住喺沙漠咁。」身受其苦,愈想爭取,1996 年他躋身議會,至今已逾廿年。

「呢廿年屯門轉變好大,交通便捷,社區完善。好多人見到V city 都話靚。但更靚嘅商場出面都有。我哋最想建立屯門嘅獨有風格、人文風物。」他著眼於屯門河,提倡增設遊覽設施,「終於喺2013 年修好天后廟廣場,今年(2016 年)再建成屯門河行人橋。」廣場在屯門河以西,佇立建於明朝初年的口角天后廟,古時海口繁忙,到現代,變了工業區,遊人不及對岸屯門公園。「所以我哋期望行人橋將兩岸連繫起來,成為一個新地標。」

返回

其他人物